Tag: OSM
Конверзија на GPS Tracks од RussaCE
by goran on Oct.23, 2009, under HowTo, OpenStreetMap
На уредот NAVIGON TRANSONIC 6000T што ви го опишав предходно во позадина работи Windows CE dot.Net 4.2. За да можам да го користам и него за запишување на tracklog-ови му инсталирав еден бесплатен но многу добар Руски софтвер за GPS уреди Russa којшто во My Documents папката на уредот креира нова папка под името GPS Tracks and Waypoints во која што ги снима траките и означените места од вас на картата во формат .mps за траките и .bin за точките. За да ги конвертирам податоците во формат .gpx за да можам да ги искористам во josm, ја користам програмата GPSMapEdit. Со нејзина помош, ги отворам снимените податоци во форматот .mps а потоа се оди на File>Export>Attached Waypoints/Tracks/Routes>GPS Exchange format (*.gpx).
По запишувањето на документот во .gpx формат, може да се пристапи кон исцртување на картата во josm едиторот. Најновата верзија на josm може да ја најдете тука или доколку не сакате/знаете да го нагодите програмот рачно од нула, тогаш може да го превземете најновиот самоинсталирачки пакет од нашата страна: http://osm-mkd.vidi.mk/josm/
Еве и неколку слики за овој процес:
Што се случува кога ќе дадете GPS на Таксист?
by goran on Sep.02, 2009, under HowTo, OpenStreetMap
Пред некој пост најавив дека мојот ГПС уред ќе го дадам на шетање во такси возило. За само неколку дена шетање, имам многу улици кои сам ги немав пројдено, а што е најважно скоро сите улици, ако не барем најважните се многукратно поминати а тоа значи дека и многу попрецизно може да се впишат во картата. На следниов линк можете да видите неколку слики од траките што се запишани за само неполни три дена.
- Крива Паланка – патишта
Забележете на покрупниот размер колку добро се исцртани некои од патиштата.
Мој предлог до Вас: Доколку имате ГПС и сакате да допринесете на ОСМ мапата на Македонија, побарајте некој ваш пријател таксист и дајте му го уредот за некое време. На ваков начин ќе се добијат многу квалитетни информации за најголем дел од патиштата во Македонија.
П.С. Мојот ГПС е сеуште на „работа“.
Најнова верзија на JOSM Editor
by goran on Sep.02, 2009, under OpenStreetMap, Updates
Веќе пишував дека за едитирање на OSM мапата го користам JOSM едиторот. Од денес ќе почнам да Ви подготвувам JOSM пакет за Windows OS спремен за инсталација со веќе инсталирани плагин-ови кои често се користат при уредувањето на мапите и со преинсталирана верзија на ЈАВА. На Вас останува да го симнете пакетот, да го инсталирате и да почнете да придонесувате на OSM. Овој пакет е подготвен како олеснување за оние кои што немаат време или не знаат како да го подготват JOSM едиторот за работа.
Голем поздрав до komzpa за првичната верзија и инструкциите!
Пакетот можете да го превземете од следнава адреса http://osm-mkd.vidi.mk/josm
Среќно ОСМ мапирање!
JOSM Editor
by goran on Aug.23, 2009, under HowTo, OpenStreetMap
За да бидете по-продуктивни во едитирањето на мапата можете да пробате да користите едитор. За OSM има неколку едитори а јас во моментот го користам JOSM. За оние од вас кои користат Windows оперативен систем и имаат потешкотии при сетирањето на JOSM за работа, можете да ја користите следнава верзија која што е предходно подобрена со сите потребни додатоци. Поздрав до komzpa за оваа верзија на JOSM.
Статистики за OpenStreetMap проектот во Македонија
by goran on Aug.23, 2009, under OpenStreetMap
Од вчера можете да ја видите статистиката за OpenStreetMap проектот во Македонија благодарејќи на мојот нов пријател Komяpa (komzpa). За да ја видите статистиката кликнете на следниов линк: http://osm.komzpa.net/stat/mk/latest/
Во моментот има некаков проблем, на средината од Македонија се појавува бел триаголник без податоци но тоа е проблем од Geofabrik, ќе треба да им се прати порака за да ја проверат и поправат грешката.
Што има во Статистиката? … Се што можете да извлечете од неа
Сите податоци може да ги сортирате по колони со едноставно кликнување на насловот на колоната.
Здраво на Сите!
by goran on Aug.23, 2009, under OpenStreetMap
Ова е мојот прв блог во кој ќе пишувам највеќе за проектот OpenStreetMap http://openstreetmap.org и моето (скромно) учество во него.
Се надевам дека ќе најдете корисни информации за тоа како можете и Вие да помогнете во проектот.







