Playing with OpenStreetMap in Macedonia

Многу материјал – Малку работа ;-)

goran — Fri, 04 Jun 2010 12:57:22 +0000

Во последно време не можам да најдам слободно време за да ги сработам сите нови траки.

Инаку има материјал за обележување на нови патишта (ги нема во ОСМ мапата на Македонија) од Пехчево кон границата со Бугарија.

Нов пат од Крива Паланка до село Градец (до црквата св. Никола)

Минатата недела се оддржа Трансверзалата 4М и од таму ќе има интересни материјали – се оди пеш од манастирот св. Гаврил Лесновски во близина на Пробиштип до Манастирот св. Јоаким Осоговски во близина на Крива Паланка по неверојатно убав предел.

Веднаш по оддржувањето на Трансверзалата 4М се оддржа и Ревијално Рели Калин Камен 2010 каде што се поминуваат 64км преку Осоговските планини.

Целата траса и на Трансверзалата 4М (без еден мал дел на крајот – поради празни батерии) и на Ревијално Рели Калин Камен 2010 е помината со неколку ГПС уреди и штом најдам малку слободно време ќе ги поставам траките online како и во ОСМ.

Идејата е што е можно повеќе патишта и пешачки и автомобилски да може да се постават за да нашава Македонија стане по-достапна како за нас така и за сите останати кои што се наоѓаат во Македонија и сакаат да ја запознаат одблизу.

Деновиве ќе се оддржи и рели во Штипско, два мои ГПС уреди се „појдени“ на терен така да и од таму не очекуваат нови километри по нашите планини.

Гледајте Openstreetmap карта во Google Maps!

goran — Fri, 23 Oct 2009 14:09:32 +0000

Благодарејќи на komzpa, доколку сакате да ги гледате податоците од Openstreetmap наместо податоците на Google во Google Maps тогаш треба да го направите следното: Отворете го документот C:\Windows\System32\drivers\etc\hosts и додадете го следниов ред во него:

86.57.245.71 mt0.google.com mt1.google.com mt2.google.com mt3.google.com mt.google.com

Потоа одете на Google Maps и ќе видите дека наместо податоците од Google сега се појавуваат податоците наOpenstreetmap.

Ако пробате Google Maps да ги отворите со Google Chrome пребарувачот, тогаш ќе видите дека има одредени проблеми во покажувањето на податоците од Openstreetmap. Сепак Google Chrome е пребарувач на Google и секако дека производите на Google се третирани поинаку во него.

Конверзија на GPS Tracks од RussaCE

goran — Fri, 23 Oct 2009 13:44:09 +0000

На уредот NAVIGON TRANSONIC 6000T што ви го опишав предходно во позадина работи Windows CE dot.Net 4.2. За да можам да го користам и него за запишување на tracklog-ови му инсталирав еден бесплатен но многу добар Руски софтвер за GPS уреди Russa којшто во My Documents папката на уредот креира нова папка под името GPS Tracks and Waypoints во која што ги снима траките и означените места од вас на картата во формат .mps за траките и .bin за точките. За да ги конвертирам податоците во формат .gpx за да можам да ги искористам во josm, ја користам програмата GPSMapEdit. Со нејзина помош, ги отворам снимените податоци во форматот .mps а потоа се оди на File>Export>Attached Waypoints/Tracks/Routes>GPS Exchange format (*.gpx).

По запишувањето на документот во .gpx формат, може да се пристапи кон исцртување на картата во josm едиторот. Најновата верзија на josm може да ја најдете тука или доколку не сакате/знаете да го нагодите програмот рачно од нула, тогаш може да го превземете најновиот самоинсталирачки пакет од нашата страна: http://osm-mkd.vidi.mk/josm/

Еве и неколку слики за овој процес:

NAVIGON TRANSONIC 6000T Tracklog – HowTo

goran — Tue, 08 Sep 2009 15:30:44 +0000

Пред извесно време ми донесоа NAVIGON TRANSONIC 6000T кој имаше проблем со софтверот за да се среди. Детално за карактеристиките на овој уред можете да видите на следниов линк: http://pdadb.net/index.php?m=specs&id=647&c=navigon_pna_transonic_6000t Овој уред доаѓа со NAVIGON MobileNavigator v.6.x GPS Software и со мапа на цела Европа (за жал нема ништо од Македонија).

…Проблемот со софтверот и со мапите го средив, но си викам, ајде да видиме дали може да снима tracklog-ови.

NAVIGON TRANSONIC 6000T со матичниот софтвер што оди со уредот, MobileNavigator v.6.x, може да снима траки, но ги запишува како текстуални датотеки со екстензија .txt во NMEA-0183 формат. Тие фајлови пробав да ги конвертирам со помош на GPS Babel во .gpx формат но неуспешно… добиените .gpx фајлови беа празни.

Што да се прави?

NAVIGON TRANSONIC 6000T работи на Microsoft Windows CE .NET 4.2 Core платформа па си викам, ај да проверам што има друго освен основниот софтвер…

Првиот проблем е како да го заобиколите вчитувањето на MobileNavigator. Од долната страна на уредот, од лево имате ресет копче, ресетирајте го уредот и веднаш потоа притиснете ги двете средни копчиња од десната страна на уредот и држете ги притиснати се додека не го видите taskbar-от од Windows. После ова можете да инсталирате и активирате и други програми на вашиот PDA.

Јас пробав повеќе различни софтвери од кои можам да ви кажам за потенцијално два кои би можеле да се користат за оваа намена: GARMIN MOBILE XT for WindowsCE v.50020w i RUSSA. Со GARMIN MOBILE XT се намачив додека да го „натерам“ да работи на Microsoft Windows CE .NET 4.2 Core, но успеав, покасно во посебен пост може да ви објаснам како. Проблемот што сеуште го имам со GARMIN MOBILE XT е што софтверот го препознава вградениот GPS уред, но не се закачува на сателитите??? Значи, се е добро, PDA-то го правите како некој друг GARMIN уред и уште да проработи…

Е сега за РУССА… Ова е Руски бесплатен (или како што неговиот автор вика: БЕСЦЕНЕТ) софтвер. На неговиот сајт можете да ја симнете верзијата за Windows CE. Инаку РУССА поддржува карти во GARMIN формат .img а има и свој формат .rus кој важи за еден од најоптимизираните и најдобрите формати според авторот.

Ако сакате РУССА автоматски да ја отвори картата тогаш снимете ја во My Documents фолдерот на PDA уредот.

За да Ви проработи на Win CE 4.2 ќе Ви треба уште и овој фајл: AYGSHELL и тоа е тоа, можете да почнете со користење на софтверот. Значи архивата со софтверот ја отпакувате на PDA-то и во новокреираниот фолдер го ставате AYGSHELL.dll.

Што забележав кај овој софтвер, можеби ќе ви личи малку спартански, но функционалноста му е на високо ниво. Веднаш го препознава GPS уредот на PNA-то и што е најинтересно, дури и внатре во затворена просторија има солиден прием на сигнал (се поврзува на 3-5 сателити). Што е најбитно за OSM, со едно кликнување софтверот почнува да снима .gpx траки.

Би сакал да слушнам Ваше искуство доколку имате некој GPS со Win CE, дали сте успеале да му ставите друг софтвер или некој од овие што ги имам и јас пробано.

Се на се… Сега барем во моментот имам уште еден GPS уред спремен за собирање траки за ОСМ. Сега се бара „таксист“

OSM Карти за GARMIN

goran — Tue, 08 Sep 2009 12:34:27 +0000

Еве уште една добра страница каде што може да добивате регуларно обновувани карти на Македонија и останати држави и градови (претежно од Русија): http://gpsmapsearch.com/osm/mp/. Кога ќе ја отпакувате архивата со фајловите, ќе видите install.bat, повикајте го, и со тоа ја добивате картата во програмата MapSource на Garmin. Од таму веќе можете да ја тестирате на Вашиот компјутер или пак, да ја префрлите на Вашиот ГПС уред. Доколку не користите MapSource, преименувајте го 00911001.img во gmapsupp.img и како таков да го префрлите на ГПС уредот.

Garmin мапи со поправени кирилични карактери

goran — Wed, 02 Sep 2009 14:34:52 +0000

Не стигнав пред некој ден да ви кажам дека проблемот со не-прикажувањето на кириличните карактери во мапите за Garmin уреди е решен.

Првата мапа која што успешно ги прикажува кириличните карактери можете да ја најдете тука , оваа верзија е без топо линии.

Денеска ivank има поставено уште понова верзија на мапата за Македонија, следете го линкот ова е верзија со топо линии.

Може да оставите коментари за тоа што очекувате од картите, дали ги имате тестирано, како сте задоволни од нив, за да знаеме како да продолжиме.

Што се случува кога ќе дадете GPS на Таксист?

goran — Wed, 02 Sep 2009 14:14:46 +0000

Пред некој пост најавив дека мојот ГПС уред ќе го дадам на шетање во такси возило. За само неколку дена шетање, имам многу улици кои сам ги немав пројдено, а што е најважно скоро сите улици, ако не барем најважните се многукратно поминати а тоа значи дека и многу попрецизно може да се впишат во картата. На следниов линк можете да видите неколку слики од траките што се запишани за само неполни три дена.

Забележете на покрупниот размер колку добро се исцртани некои од патиштата.

Мој предлог до Вас: Доколку имате ГПС и сакате да допринесете на ОСМ мапата на Македонија, побарајте некој ваш пријател таксист и дајте му го уредот за некое време. На ваков начин ќе се добијат многу квалитетни информации за најголем дел од патиштата во Македонија.

П.С. Мојот ГПС е сеуште на „работа“.

Најнова верзија на JOSM Editor

goran — Wed, 02 Sep 2009 13:41:43 +0000

Веќе пишував дека за едитирање на OSM мапата го користам JOSM едиторот. Од денес ќе почнам да Ви подготвувам JOSM пакет за Windows OS спремен за инсталација со веќе инсталирани плагин-ови кои често се користат при уредувањето на мапите и со преинсталирана верзија на ЈАВА. На Вас останува да го симнете пакетот, да го инсталирате и да почнете да придонесувате на OSM. Овој пакет е подготвен како олеснување за оние кои што немаат време или не знаат како да го подготват JOSM едиторот за работа.

Голем поздрав до komzpa за првичната верзија и инструкциите!

Пакетот можете да го превземете од следнава адреса http://osm-mkd.vidi.mk/josm

Среќно ОСМ мапирање!

Како со малку GPS уреди и за кратко време до многу .gpx фајлови

goran — Sun, 23 Aug 2009 20:47:29 +0000

Гледам дека во Македонија (да не зборам за Крива Паланка или некои други места) не сме баш многу активни на темава ОСМ и се мислам како за кратко време да дојдеме до поголем број на траки кои што после ќе може да ги искористиме во исцртувањето на што е можно поголем број патишта, улици, планинарски рути итн.

Прво што може да се направи е секој што има GPS уред или мобилен телефон со GPS опција да се анимира во креирање на траки. Ова може да биде добро но најверојатно ќе одземе прилично време зашто обично секој еден човек се движи на горе-долу стандардни локации (рути). Ретки се оние кои што постојано се во движење насекаде.

Значи јас мислам дека нема да биде лошо да се најдат таксисти (посебно за урбаните средини они би биле идеални) кај кои што би се оставиле GPS уредите извесно време да снимаат траки. Јас планирам ова да го направам за Крива Паланка и околината и мислам дека за многу кратко време ќе имам траки од цела општина.

Ако имате некоја друга идеја, слободно споделете ја со останатите.

Како да креирате .gpx фајлови со GARMIN NUVI 200

goran — Sun, 23 Aug 2009 20:34:41 +0000

GARMIN NUVI 200 е entry level GPS уред кој што може да се најде за околу 10000 денари. Со фабричкиот firmware опцијата за снимање на траки е исклучена па за да се активира оваа „неопходна“ опција за нас кои што сакаме да ја исцртуваме мапата на Македонија потребно е да се инсталира друг firmware со кој што ќе оваа опција ќе стане достапна.

За да го направите ова потребен ви е следниот фајл

Ова Ви е readme фајлот. Доколку имате некаков проблем слободно прашајте ме.
-=======================-
Service mode firmware for nuvi200 / 250 / 270 (native english) to add HIDDEN TRACKLOG on SD card!
For HWID=0660 ONLY! За другите HWID треба да се побара друг firmware, никако немојте да пробувате со овој фајл!
DO NOT TRY TO USE THIS FIRMWARE ON ANOTHER HARWARE ID’s!!!
YOUR UNIT CAN BE DAMAGED!
-=======================-

Let’s use the updater, PRE-BOOT mode and some modified self-made service firmware.
You have to rename 066001000500en_sd.rgn to 066001000500.rgn before use with updater.exe
(tool from garmin update site)
This is slightly patched file, in .rgn form-factor.

Be sure your device is charged.
Deatch USB.
Power off your device.
Start the device in the pre-boot mode. (hold the POWER button until the LOADER message appears)
Pay attention that PRE-BOOT mode string is not displayed by 2xx nuvi (за 2xx nuvi притиснете го долниот десен агол на екранот додека истовремено го држите POWER копчето притиснато, на тој начин уредот влегува во специјалниот PRE-BOOT режим на работа), but other version such as
3xx and 6xx display it.
Attach the device usb. (May be delay while PC searched and installed drivers, confirm if any message box appeared in windows)
Run updater and select nuvi in the list.
Click ok and proceed. Agree with updater if any additional messages appeared.
If LOADER appeared on the screen you should release POWER button and wait until unit flashed.
(Do not hold button more than 30 seconds – this interrupts load and brings up calibration tool for screen).

After success flashing unit restarts.

Now your nuvi is fully operational and has following updates:
- in the Speedometer menu you can press it and immediately get to the hidden menu
- then click NEXT and you will get TRACKLOG MENU.

Use wNutrak from this page

http://www.anpo.republika.pl/

www.anpo.republika.pl/download.html
to handle your tracks in mapsource.

Now tracks will be on SD garmin\logs directory. Of course you need SD card inserted.
Remember, track points are written every second to your flash. This is issue of possible corruption for it.

Other examples and advices can be found at:

http://www.gpspassion.com/forumsen/topic.asp?TOPIC_ID=94924

http://www.gpspassion.com/forumsen/topic.asp?TOPIC_ID=95274

http://www.gpspassion.com/forumsen/topic.asp?TOPIC_ID=100355

Thanks to the person, helped me a lot!

Best regards,
neadrenalin

http://e-trex.info

07.12.2008

И јас го користам wNutrak од оваа страница www.anpo.republika.pl/download.html за да ги конвертирам траките во .gpx формат кој после можам да го користам на пример во JOSM едиторот. Сите фајлови уредот ги снима на SD картичката во /garmin/logs папката.

Инаку http://www.gpspassion.com е многу квалитетен форум на кој може да се најде квалитетна информација.

Доколку имате некој друг модел на GARMIN NUVI GPS, добро е да ја погледнете следнава страна: http://e-trex.info/fw/nuvi/ тука може да најдете и други firmware-и.